Ep17. 當《畫皮》成為現實

今個禮拜想寫一啲屬於社會禁忌嘅話題。本來諗住邀請一位朋友上嚟一齊討論，但係佢話唔想佢喺我嘅節目debut係講呢個話題，所以今集呢我就綜合晒我哋討論嘅內容，希望佢聽到啦哈哈我當credit咗你㗎喇！

呢一排我喺instagram見到兩個post，一個係喺instagram上面已經有二百五十萬followers嘅Miquela。我見到嘅post係佢著住一件好性感嘅bra / tube top，好陶醉咁望住鏡頭表演佢最新出嘅單曲《Hard Feelings》。佢係一個model同musician，都幾靚架。經常有同大品牌合作，例如2018年Prada，到近年嘅Samsung、Calvin Klein。佢同Bella Hadid嘅合作，張親吻照都搞出一時嘅風波。另外佢仲經常運動完影selfie，網上分享自己嘅愛情經驗同朋友facetime㖭。不過唔記得咗講，佢唔係一個真人。佢係一個virtual influencer。其實佢出名呢係因為佢一睇就知係假，如果你話係咪好真實，一定唔係，好多戲嘅CG真過佢好多，但係人類就偏偏係因為佢一睇就知係假，但係又過住一個好真實嘅生活而對佢有興趣。製造佢嘅公司Brud喺加州，而Vox嘅Kaitlyn Tiffany就寫咗一篇文章討論佢嘅存在[1]，有興趣嘅朋友可以click嚟睇睇。Virtual influencer其實都唔係新鮮事譬如KFC都有個好靚仔大隻嘅Mr KFC[2]。不過呢一年佢哋就轉咗佢就一個爸爸級嘅肥佬。另外香港嘅例子就係Landmark喺2019年嘅campaign [3]，不過我都係嫌佢玩得唔夠徹底。另外P&G嘅SKII都係2019年好認真咁整咗一個virtual skincare advisor Yumi（如果有興趣可以click個link 有YouTube睇應該係 Cannes Lions嗰時發表嘅）[4]，另外Hokk Fabrica都有一個2D版。同埋其實日本都有好多2D嘅人物同觀眾溝通...

好啦扯開咗話題，另外一個我見到反應有啲大嘅係最近好多人repost嘅doublicat app。佢可以將你個樣embed落一啲戲、MV呀咁。其實我一睇好驚既係：個效果好真好真。個video係一啲經典嘅戲同MV，本身被取代個樣嘅人當然係街知巷聞嘅明星。其實，呢個係deep fake呀咁多位～平常人係唔應該可以用到㗎。你諗下，你知道係玩緊啫，但係你諗下如果有人用嚟spread fake news（根據呢篇Guardian嘅文章，sorry已經有人做過[5]，同埋亦有人將一啲明星例如Taylor Swift、Gal Gadot等放落一啲porn star個樣度），咁點算呢？其實呢個科技唔係政府或者一啲科網公司獨家擁有嘅，佢只係需要一部勁啲嘅電腦同埋一張勁嘅graphic card同埋雲端運算computing power in the cloud，咁就可以將需時縮短，由幾個禮拜去到幾日、幾個鐘。不過呢啲只不過係幾個月之前嘅文章，半年後，而家講緊嘅係你用部手提電話都整到。相信武漢肺炎已經令我哋知道，其實呢個世界真係有好多蠢人。科技發展從來都唔會因為佢嘅善惡同埋有幾多蠢人而停止。又或者，科技發展從來都唔係問題，有問題嘅係access。

所以大家係咪都估到點解我呢一集嘅題目係「畫皮」呢？以前嘅鬼故真係博大精深！到而家已經變成現實喇。我想探討嘅係will this technology go wrong，同埋究竟how will this technology go wrong? 究竟前文提到嘅兩個現象點樣連埋一齊呢? 如果我哋可以將我哋嘅感情投放落去一個虛擬嘅人物身上，而像真度係咁高！下一步就係可以手提電話整CGI片。而CGI or virtual influencer係暫時冇自由意志可言。然後我哋又可以咁容易將其他人或自己嘅樣放落一條片度，咁我係咪以後可以唔使拍youtube喇哈哈，叫個algorithm拍咪得囉！言歸正傳，三級片呢個例子唔係幾腦筋急轉彎，因為三級片嘅認受性都幾高（睇下你係邊個國家）：你可以合法拍同埋睇，只係唔可以隨便發佈（？）

要急轉彎就要搵個極端例子：唔可以拍、擁有，同埋睇嘅就係child porn。

如果有一日：有人將你個樣搬咗落一個child porn video入面，而影片係CGI整出嚟嘅，從來冇任何真人嘅參與，而個個人亦都無發佈過，亦都無經任何人嘅手去整呢條片。而因為呢種製片方法好flexible，佢可以根據不同日子、對象，改變條片。因此，佢一直被社會抑壓嘅慾望只在佢嘅世界入面發洩，亦都無任何意欲去傷害任何現實中嘅小朋友。咁⋯⋯合法嗎？

當然其中一個論點就係佢無意慾，並不能確保佢以後唔會犯罪。當我翻查資料，以我完全外行嘅背景只係當一遍英文咁樣睇wiki，發現原來child porn是否合法都有一番爭論，其中一個論點就係話如果一個人係對小朋友有性幻想而想付諸行動，就算佢有無擁有pornography，佢都係會去做嘅。我嘅翻譯一定係唔準確，希望大家有興趣自己去睇。

另外，禁止child porn當然係因為道德問題，因為拍攝過程中會令小朋友受傷害。如果係一條CGI gen出嚟嘅child porn又如何？

話擁有child porn係非法嘅原因係因為睇咗就鼓勵更多人嘅慾望，增加犯案嘅機會。我地到底係要避免定係懲罰一個罪惡？咁我哋係咪要懲罰一個人係腦入面嘅慾望？如果係咁嘅話，就會由一個道德問題去到另外一個道德問題。我另外問我朋友嘅問題係：如果前面話睇片會令人想喺現實生活中有影響，咁點解我哋可以容許世界各國嘅青少年同大人沉醉於咁多個可以拎住支槍殺人嘅電子遊戲？同樣嘅原因點解唔適用喺一啲打打殺殺嘅電子遊戲入面？莫非殺人冇道德問題、鼓勵以打殺獲得勝利唔會對社會有潛在影響、唔會引起一啲人用武器傷害其他人嘅慾望？

究竟child porn同遊戲有咩本質上嘅分別呢？反過來我哋可以話，因為槍械唔可以隨便買到，而且人係識分現實同玩遊戲，但係我就係想講：好快我哋係分唔到乜係真、乜係假。你用玩遊戲唔會將假變真嘅論據，睇CGI child porn嘅人都可以話佢都唔會將假變真。第二，假設3D printing更普及，隨便邊個都可以整到武器。咁我哋又如何應對呢？

我必須嚴正聲明：我並非鼓勵任何傷害小朋友嘅行為。只係我哋嘅科技發展得太快，我哋必須要諗前幾步，先至可以知道我哋今時今日究竟行到邊。隨著Deep fake嘅普及，我只係想令大家諗多啲，究竟呢一種科技延伸到未來有啲咩影響，會唔會發展到一個我哋控制唔到嘅範圍，又會對我哋嘅社會法律同道德觀有咩影響。我嘅結論係：人心好容易影響但好難控制。而我亦都唔想有任何嘢控制我哋嘅思想。喺未來，呢個矛盾更甚。所以以後我哋人類行一條咩嘅路，就好睇我哋心入面嘅價值觀，作為最後一道防線。最後我俾個小tips大家：根據Guardian喺今年1月嘅文章，係2018年研究指出通常deep fake係唔會眨眼嘅。不過好快就俾人crack咗，但係我留意到douplicat裡面個角色都係冇眨眼嘅。另外就係頭髮呀光影等等係難啲像真。所以我地將來要留意一條片段可能被偽造的風險是高是低。如果我哋話以後睇片要小心辨別真偽，咁我哋真係要開始用心望下真實嘅生活、物件、人係點，先分得清啦。

Ep17. 當《畫皮》成為現實

今個禮拜想寫一啲屬於社會禁忌嘅話題。本來諗住邀請一位朋友上嚟一齊討論，但係佢話唔想佢喺我嘅節目debut係講呢個話題，所以今集呢我就綜合晒我哋討論嘅內容，希望佢聽到啦哈哈我當credit咗你㗎喇！

//

The Lesser Evil: